Vlindertjies
Die Vlindertjieklas is vir babas vanaf ouderdom 3 - 9 maande. Hierdie klassie word oopgemaak wanneer ons huidige babaklas (die Vissies) hul maksimum kapasiteit bereik. Dieselfde stimulasie en roetine as die Vissieklas word in die Vlinderklas aangebied. Die klas bestaan uit maksimum tien babas met 3 personeellede.
The Vlinder class is for babies age 3 - 9 months. We usually open this class when our current baby class (the Vissies) reaches maximum capacity. The same stimulation and routine as in the Vissie class are offered in the Vlinder class. The class consists out of a maximum of 10 babies with 3 staff members.
Infant and Toddler Development Coordinator 2025 Kyla De Swardt
Ek is gebore en het groot geword in Sannieshof in die Noord- Wes provinsie waar ek ook gematrikuleer het. Ek het BA Geesteswetenskappe gestudeer aan die NWU Potchefstroomkampus. Ek is na my studies getroud en het na Stellenbosch verhuis, waar ek vir 6 jaar as Educarer by BABIN gewerk het. Daar het ek my passie vir kinders se groei en ontwikkeling uitgeleef. Ek het in 2023 geboorte geskenk aan my seuntjie en in my vrye tyd skilder ek graag, stap met my hond en versorg my versameling huisplante.
Hoof Toesighouer 2025- René Paulse
René Paulse het matrikuleer aan Lückhoff Senior Sekondêr, Stellenbosch en het daarna 'n sekretariële kursus voltooi by JCT. Sy het ook in 2020 haar Educare diploma verwerf by Northlink Kollege. Sy is getroud met twee dogters en woon in Cloetesville. René is baie betrokke by haar kerk. Sy is baie lief vir kinders en glo hulle is 'n gawe van God. Haar doelwit is om altyd haar beste te gee vir Kabouterland se kinders.
Sy wil graag aanhou om te groei as 'n versorger vir ons babas en is dankbaar dat sy 'n verskil kan maak in elke klein kaboutertjie se lewe. ”Ek kan alles doen deur Christus wat my die krag gee.''.
Your “kabouter” is my “kabouter”
Loer in die Klas
